Múltiples Resonancias

Múltiplensemble & Ensemble Vigo 430

Rafael Yebra, Saxofóns,
Manuel Cebrián, Guitarra eléctrica,
Brenda Vidal. Piano.
David Rodríguez, Percusión.

Colabora: Juanma LoDo (artista visual). Auditorio Martín Códax Sábado, 28 de Xaneiro de 2023, ás 20:00h

Entradas

Programa

I PARTE

Emily Koh, Chronoma**, saxofón soprano/alto, piano, percusión
Jacobo Gaspar, Resonancias Arbóreas, saxofón barítono e percusión
Fredrik Zeller, GeteiltesLiedisthalbesLied_DasOriginal* saxofón barítono e guitarra eléctrica
Louis Andriessen, Hout saxofón tenor, guitarra eléctrica, piano e percusión

II PARTE

Philip Glass 1+1 for One Player & Amplified Table-top, percusión
John Adams, China Gates, piano
Steve Reich, Electric Counterpoint, guitarra e ensemble guitarras (pregravadas)

Chaya Cernowin, Shahaf, saxofón sopranino/barítono, guitarra eléctrica, piano, percusión

*Estrea absoluta ** Estrea en España

Link Facebook Multiplensemble

Un discurso sonoro e visual que profundiza na tímbrica da música de nova creación e minimalista, con obras de Koh, Gaspar, Zeller, Cernowin, Glass, Adams, Reich e Andriessen.

Notas ao programa.

I PARTE

Emily Koh (Singapur, 1986) profesora de composición na Escola de Música Hugh Hodgson da Universidade de Georgia. A súa música caracterízase por explorar pequenos detalles do son. En Chronoma (2019) de croma (color) e cronos (tempo) retrata a exploración das cualidades sonoras tímbricas, texturais e espaciais a través de diminutas expansións sobre frases melódicas.

Jacobo Gaspar (Mos, 1975) doutor pola Universidade de Oviedo, na actualidade é profesor no CSM de Vigo. A súa obra parte da modernidade e do paradigma que esta define, no que se reformula a relación son-música, algo do que se deriva unha expansión dos medios e das técnicas instrumentais, novas liñas de traballo con intérpretes e unha concepción da escoita dirixida a ensanchar a experiencia perceptiva.
A partitura Resonancias Arbóreas (2019) para saxofón barítono e percusión foi estreada por Múltiplensemble no Festival Resis 2019, onde o compositor escribía:

“A fisicidade de “Árbore” de Manolo Paz e o sentido trascendente que José Ángel Valente amosa en “Elegía, el árbol” son o xermen de “Resonancias arbóreas”. A árbore de M. Paz moldea un material pétreo que aspira a ser orgánico. Este sentido ascendente, no poema de J. A. Valente, ven delimitado por unha elevación ao mundo invisible; polo paso do mundo sensible ao trascendente.

Escoitar a resonancia do son sitúanos no límite do mundo sensible. Un espazo onde a materia e aquilo outro que trascende a súa existencia conflúen.” –  Jacobo Grandal

Fredrik Zeller (Alemaña, 1965) Por decisión expresa do compositor non se contempla ningunha referencia biográfica. Sobre a peza GeteiltesLiedisthalbesLied_DasOriginal (2019) o autor indícanos:

“Geteiltes LEId ist halbes LEId” é un proverbio alemán que significa: Si falas con alguén do teu sufrimento sufrirás só a metade. Cambiando as verbas a “Geteiltes LIEd ist halbes LIED” convértese nunha “A canción dividida na metade da canción”. Tiven esta idea fai  10 anos e resultou unha canción elemental moi popular que me perseguiu durante algúns anos da miña vida.” – Fredrik Zeller

Chaya Cernowin (Israel, 1957) profesora na Universidade de Harvard, é unha das compositoras máis destacadas no panorama internacional actual como así o acreditan os numerosos premios, colaboracións con importantes orquestras, ensembles internacionais e gravacións. Sobre Sahaf (2008) a compositora escribía:

“Sahaf é parte do ciclo ‘Shifting Gravity’ no que exploro as leis da física e a súa realización física dun xeito lúdico. En ‘Sahaf’ coa súa inusual instrumentación, unha ‘ráfaga’ de incidentes selectivos paralelízase cada vez máis ata que todos os instrumentos imaxinan conxuntamente o poderoso xiro dun cascabel de trinquete sobredimensionado. “– Chaya Czernowin

Unha música acentuada por un elevado grado de vitalidade, chegando por momentos a ser visceral ou incluso salvaxe.

II PARTE

1+1 for One Player & Amplified Table-top (1967) de Philip Glass (Baltimore, 1937) escrita tal e como indica para un músico e táboa amplificada na que o intérprete determina a duración das progresións resultando a peza cunha indeterminada duración.

China Gates (1977) para piano foi composta polo norteamericano John Adams (Massachusetts, 1947) como froito da experimentación con ritmos e modos. Escrita como un palíndromo casi perfecto, divídese en tres partes nun movemento continuo que reflexa a chuvia constante. Este é o que nos conta o propio compositor sobre esta partitura:

“China Gates foi escrita para xoves pianistas e emprega os mesmos principios que Phrygian Gates, sin recorrer a efectos de virtuosismo. Tamén oscila entre dúas palabras modais, só que o fai con extrema delicadeza. Agora paréceme unha peza que chama a atención sobre os detalles da escuridade, a luz e as sombras que existen en medio”. John Adams

Electric Counterpoint (1987) de Steve Reich (New York, 1936) foi escrita para coñecido guitarrista Pat Metheny. A partitura pode presentarse na versión para guitarra eléctrica e cinta na que se inclúen dous baixos eléctricos e ata dez guitarras, e outra para conxunto de guitarras que ofrece similitudes con New York Counterpoint do mesmo compositor. Nesta música subxacen tres elementos vitais na música de Reich, o jazz, a electrónica e o minimalismo. Este último considerado como unha música experimental que xorde en torno aos anos 60 nos Estados Unidos. Músicas construídas a partir da repetición constante de pequenas frases a modo de loops dentro dunha consoante harmonía que xera unha ilusión acústica e tímbrica no devir do tempo.

Hout (1991) escrita polo holandés Louis Andriessen (Utrech, 1939- 2021) sigue un estrito estilo de canón nas catro voces á distancia de tan só unha semicorchea resultando máis unha melodía ao unísono
cun diley múltiple. Un cúmulo de ramificacións que parten dun tronco común o que axuda a contextualizar o nome hout, traducido como madeira dende o holandés.

Tempada
• Grimm duette · 29 de Outubro de 2022
• Arcos e espadas · 18 de Novembro de 2022
• Música e videoxogos: unha odisea sinfónica · 23 de Decembro de 2022
• Múltiples Resonancias · 28 de Xaneiro de 2023
• Jonian Ilias Kadesha · 25 de Febreiro de 2023
• Sergey Malov · 05 de Marzo de 2023
• Maya Levy · 22 de Abril de 2023
• Iria Folgado e Vicent Alberola · 26 de Maio de 2023