Orixes - Ciclo Outono

Li La

Nada en 2002, Lila empezou a tocar o violoncelo aos sete anos. Estudou co profesor Min Cao na Music Middle School afiliada ao Conservatorio de Música de Shanghái aos nove anos. En 2016 comezou a estudar na división Precollege da Juilliard School co profesor Richard Aaron e SieunLin. Desde outubro de 2018, Lila estuda na Academia Kronberg co profesor FransHelmerson. Toca un violoncelo Giovanni Grancino de 1690 que lle prestaron amablemente a través da Beare’sInternationalViolinSociety. No 13º Concurso Internacional de Música de Osaka en 2012, Lila gañou o primeiro premio, o Premio á Mellor Interpretación de Corda e o Premio do Alcalde de Kobe. No 9º Concurso Internacional de Violoncelo «Antonio Janigro», celebrado en Croacia en 2012, Lila participou no grupo senior e gañou o primeiro premio. Ao ano seguinte, no 24º Concurso Internacional de Música Flame de París, volveu gañar o primeiro gran premio con puntuación completa outorgada por todos os membros do xurado. En 2014 Lila presentouse no 8º Concurso Internacional Chaikovski para Mozos Músicos en Moscova, gañou o primeiro premio e converteuse na campioa máis nova deste concurso. Tamén gañou o 2º premio no 43º Concurso Internacional de Corda Stulberg en 2018.

Lila deu concertos en numerosos escenarios internacionais como o Festival de Verbier, Schloss Elmau, Wigmore Hall, Festival Tsinandali, Zürich Tonhalle, Teatro dell’Opera dei Roma, Centro Nacional de Artes Escénicas de Pequín, Sala Sinfónica de Xangai, Sala de Concertos Chaikovski de Moscova. Traballou con orquestras como: Orquestra Roma Sinfonietta, Orquestra de Cámara Anima Musicae, Real Filarmónica de Praga, Filarmónica de Baden-Baden, Orquestra Clásica de Palermo, Virtuosos de Moscova, Orquestra Sinfónica Estatal «Nova Rusia», Orquestra Filarmónica de Xangai, Orquestra Sinfónica da Ópera de Xangai. E directores de orquestra como: Christoph Eschenbach, Valery Gergiev, Vladimir Spivakov, Yury Tkachenko, Heiko Mathias Förster, Norichika Iimori, Muhai Tang. Como músico de cámara, compartiu escenario con András Schiff, Steven Isserlis, Christian Tetzlaff, Gidon Kremer, David Geringas, Tabea Zimmermann e Antoine Tamestit.

Brenda Vidal

Piano

Brenda Vidal Hermida comezou os seus estudios musicais no Conservatorio Profesional de Música de Vigo cos profesores Cristina Olivar, Maider Ordozgoiti e Emilio Álvarez. No 2005 accede á Escola Superior de Música e Artes do Espectáculo (ESMAE) en Oporto, incorporándose á clase do profesor Luís Filipe Sá. Paralelamente é admitida no Conservatorio Superior de Música de Vigo, para estudiar co profesor Nicasio Gradaille. No ano 2010 culmina en ambolos dous centros coas máximas calificacións. Posteriormente realizou o Mestrado para o Profesorado de Educación Secundaria Obligatoria, Bacharelato, Formación Profesional e Ensinanza de Idiomas da Universidade de Vigo, na especialidad de Artes, e inicia o Mestrado en interpretación artística na Universidade de Oporto, orientada por Luis Filipe Sá, Eduardo Soutullo e Madalena Soveral, dedicado á música contemporánea para piano.

Asistiu a cursos de perfeccionamento na especialidad de piano, música de cámara e acompañamento vocal, impartidos por Almudena Cano, Josep Colom, Claudio Martínez Mehner, Peter Efler, Alexander Kandelaky, Imre Rohmann, Eulalia Solé, Luiz de Moura Castro, Iván Citera, Blanca Uribe, Olga Prats, e Miguel Ángel Chavaldas entre outros.

Participa frecuentemente en numerosas agrupacións orquestais e camerísticas entre as que destacan a Orquestra Sinfónica Vigo 430, Hulencourt Soloist Chamber Orchestra (Bruselas), Múltiplensemble (Vigo), Orquesta Sinfónica do Algarve, Orquesta Filarmónica Ciudad de Pontevedra, Banda Municipal de A Coruña, Banda Sinfónica Portuguesa (Oporto), Banda Sinfónica de la GNR (Lisboa), Banda de Música de Pontevedra, etc. En calidade de solista interpretou o Concerto para piano e Banda Sinfónica de A. Waignein, ”Noches en los jardines de España” de Manuel de Falla, e “Double Star” de D. Gillingham. Dende o 2008 é membro fundador do Quarteto Contratempus, con sede en Oporto, dedicado plenamente á ópera de cámara contemporánea. Actuou en grandes salas e auditorios como Teatr Wielki Opera Narodowa de Varsovia (Polonia), o Teatro Monumental de Madrid, Roda Hall Kerkrade (Holanda), Ningbo Grand Theater (China), Casa da Música de Oporto (Portugal) e no Auditorio de Galicia en Santiago de Compostela entre outros.

Durante os 15 últimos anos compaxinou a súa actividade como concertista coa de docente, traballando en diferentes conservatorios e escolas municipais de música de Galicia, sendo dende o 2015 a directora do Conservatorio Elemental de Música de Gondomar.